বাইহাটাত আন্তঃ ক্লাব কাৰাটে প্ৰতিযোগিতা

বাইহাটা চাৰিআলিঃ গ্ৰাম্য অঞ্চলৰ সুপ্ত প্ৰতিভা বিকাশৰ উদ্দেশ্যে কমলপুৰ কাৰাটে ডো এছো’চিয়েচন ৰ উদ্যোগত বাইহাটাৰ সাজেইৰ ৰাজহুৱা প্ৰেক্ষাগৃহত সোমবাৰে এদিনীয়া কাৰ্যসূচীৰে আন্তঃ ক্লাব কাৰাটে প্ৰতিযোগিতাৰ আয়োজন কৰা হয়।কামৰূপ(গ্ৰাম্য)জিলাৰ মুঠ ১০টা ক্লাৱে অংশগ্ৰহণ কৰা এই প্ৰতিযোগিতা খনত মিৰ্জা, ছয়গাওঁ, হাজো, ৰঙিয়া, কমলপুৰ, বাইহাটা আৰু সাজেই অঞ্চলৰ মুঠ ১১০ গৰাকী খেলুৱৈয়ে অংশগ্ৰহণ কৰে।ওজন আৰু বয়সৰ ওপৰত নিৰ্ধাৰণ কৰা বিভিন্ন শাখাত লৰা,ছোৱালী উভয়েই প্ৰতিযোগিতাত অংশগ্ৰহণ কৰে। অনুষ্ঠানত অসম চৰকাৰৰ জলসিঞ্চন, ৰাজহ তথা দুৰ্যোগ প্ৰশমন বিভাগৰ মন্ত্ৰী ভৱেশ কলিতাৰ লগতে সমাজৰ বিভিন্ন শ্রেণীৰ লোক উপস্থিত থাকে। প্ৰতিযোগিতাৰ অন্তত বিজয়ী খেলুৱৈসকলৰ মাজত বঁটা সমুহ বিতৰণ কৰা হয়।