বৰপেটাৰ ছনপুৰাত শিশুৰ সলিল সমাধি

জনীয়াঃ বৰপেটা জিলাৰ কলগাছিয়া আৰক্ষী থানাৰ অন্তৰ্গত ছনপুৰা গাঁৱত এক শোকাবহ ঘটনা সংঘটিত হয়। ৰেজ্জাক আলীৰ ৭ বছৰীয়া পুত্ৰ  ছলমান আলী সোমবাৰে দিনৰ ১২-৩০ বজাত সলিল সমাধি ঘটে। জানিব পৰা মতে  ওচৰৰে পথাৰৰ মাজেৰে সমনীয়াৰ সৈতে খেলিবলৈ যাওতে পিছলি  দ পুখুৰীত পৰে।

দৰিদ্ৰ সীমা ৰেখাৰ তলত বসবাস কৰা পৰিয়ালটোৰ সন্তানটিক গাৱৰ মানুহে ততাতয়াকৈ বৰপেটা এফ এ এ মেডিকেল কলেজ-হাস্পতাললৈ নিয়ে যদিও চিকিৎসকে মৃত্যু হোৱা বুলি ঘোষনা কৰে। উক্ত দৰিদ্ৰ পৰিয়ালটোক এককালীন সাহাৰ্য আগবঢ়াবলৈ ৰাইজে বিভাগীয় কতৃপক্ষক দাবী জনাইছে ।