নাৰায়নপুৰ মাধৱদেৱ কলেজ তিনিআলিৰ পাঁচ খনকৈ দোকানত অগ্নিকাণ্ড

নাৰায়নপুৰঃ মংগলবাৰে ৰাতি প্ৰায় দুই মান বজাত লখিমপুৰ জিলাৰ নাৰায়নপুৰ আৰক্ষী থানাৰ অন্তৰ্গত মাধৱদেৱ কলেজ তিনিআলিৰ পাঁচ খনকৈ দোকানত অগ্নি সংযোগ হৈ সম্পূৰ্ণ ৰূপে ধংস হৈ পৰে। বিউটি পাৰ্লাৰ, হোটেল, চেলুন, পান দোকান আৰু এখন ম’বাইলৰ দোকান সম্পূৰ্ণ জুইত ছাই হোৱা লগতে ৰাজীব বৰা নামৰ লোক এজনৰ হোটেলত থকা এটা চিলিন্দাৰ গেছ বিস্ফোৰণ হৈ আন এক আতংকৰো সৃষ্টি হয়। আমাক জনোৱা তথ্য মতে কোনো এখন দোকানৰ পৰা চৰ্ট ছাৰ্কিট হৈ এই অগ্নি কাণ্ড সংঘটিত হোৱা বুলি সন্দেহ প্ৰকাশ কৰিছে।