ৰঙিয়াৰ বিশিষ্ঠ সমাজকৰ্মী পৰেশ দত্ত দেহৱসান

ৰঙিয়াঃ ৰঙিয়াৰ বিশিষ্ঠ সমাজকৰ্মী তথা ৰঙিয়া উচ্চতৰ মাধ্যমিক বিদ্যালয়ৰ অৱসৰ প্ৰাপ্ত অধ্যক্ষ পৰেশ দত্ত(৮৭)সোমবাৰে নিশা তেখেতৰ ৰঙিয়াৰ বাসগৃহত মৃত্যুক সাৱতী লয়। দীৰ্ঘ দিনৰ পৰা কৃতি শিক্ষক গৰাকীয়ে অসুস্থ হৈ থকাৰ উপৰিও দুয়োটা চকুৰে দৃষ্টিশক্তি হেৰুৱাই পেলাইছিল। প্ৰায়ত দত্ত ৰঙিয়াৰ সমাজ জীৱনৰ লগত জৰিত হৈ থকাৰ উপৰিও সকলো সমাজৰে প্ৰতিটো সংকটৰ সময়ত এজন অভিভাবক হিচাপে থিয় দিছিল। 

ইফালে পুৱাৰ ভাগত ৰঙিয়াৰ সমাজকৰ্মী গৰাকীৰ মৃত্যুৰ খবৰ সমগ্ৰ ৰঙিয়াতে বিয়পি পৰাৰ লগে লগে ৰঙিয়া অসংখ্য গুনমুগ্ধৰ লগতে বিভিন্ন দল সংগঠনৰ প্ৰতিনিধি তেখেতৰ বাসগৃহত উপস্থিতহৈ আত্মাৰ সদ্ গতিৰ কামনা কৰাৰ উপৰিও পৰিয়ালবৰ্গক সমবেদনা জ্ঞাপন কৰে। মৃত্যুৰ সময়ত প্ৰায়ত দত্তই পত্নীৰ লগতে দুগৰাকী কণ্যা সন্তান আৰু এজন পুত্ৰ সন্তান এৰি থৈ যায়।