দক্ষিণ শালমাৰাত জব্দ নিষিদ্ধ গাঞ্জা

দক্ষিণ শালমাৰাঃ দক্ষিণ শালমাৰা-মানকাচাৰ জিলাৰ মানকাচাৰৰ ভাৰত বাংলাদেশ সীমান্তত মানকাচাৰ আৰক্ষী আৰু বিএছএফৰ যৌথ অভিযান এগৰাকী ব্যক্তিৰ ঘৰৰ পৰা কেইবা কিলোগ্ৰাম গাঞ্জা জব্দ কৰে। মানকাচাৰ আৰু কাকৰী পাৰা বিএছ এফে গোপন সুত্ৰৰ পম খেদি মানকাচাৰ আৰক্ষীক লগত লৈ মঙল বাৰৰ নিশা দহ বজাত কাকৰী পাৰাৰ জাহিনুৰ ইছলাম নামৰ ব্যক্তি এজনৰ বাসগৃহত তলাচী অভিযান চলায়।

তলাচী চলোৱাত লোক জনৰ ঘৰৰ পৰা ৩•৫০ কিলোগ্ৰাম গাঞ্জা জব্দ কৰাৰ লগতে তিনি চোকা অস্ত্ৰ উদ্ধাৰ কৰে। অৱশ্যে জাহিনুৰ ইছলামক আটক কৰিব পৰা নাই। মানকাচাৰ অঞ্চল অতি নিচা জাতীয় দ্ৰব্যৰ প্ৰচলন হাৰত বৃদ্ধি পাই অহাত সমাজত বিভিন্ন ধৰণৰ অসামাজিক কাৰ্য্যকলাপ দিনক দিনে বাঢ়ি আহিছে।