ধুবুৰী জিলাৰ বগুলামাৰী এম ই মাদ্ৰাছাত শিক্ষক দিৱস উদযাপন

ধুবুৰীঃ বৃহস্পতিবাৰে সমগ্ৰ ভাৰতবৰ্ষৰ লগতে ধুবুৰী জিলাৰ এ এম কো ৰোড আৰক্ষী চকীৰ অন্তৰ্গত বগুলামাৰী গাঁওৰ বগুলামাৰী এম ই মাদ্ৰাছাতো পুৱা ৮.৩০ বজাত মাদ্ৰাছাৰ পৰিচালনা সমিতিৰ সভাপতি আনোৱাৰ হুছেইন মোল্লাৰ সভাপতিত্বত পৱিত্ৰ শিক্ষক দিৱস উদযাপন কৰা হয়। সভাখনত সভাৰ উদ্দেশ্য ব্যাখ্যা কৰে মাদ্ৰাছাৰ প্ৰধান শিক্ষক আব্দুল মান্নান সেখে। শিক্ষক দিৱস উপলক্ষে মাদ্ৰাছাৰ চৌহদত গছপুলি ৰোপণ কৰা হয়। সভাখনত মুখ্য অতিথি হিচাপে উপস্থিত থাকে ধুবুৰীৰ কনিষ্ঠ ছোৱালী মহাবিদ্যালয়ৰ প্ৰৱক্তা ফয়জাল হকে। মাদ্ৰাছা খনৰ ছাত্ৰ-ছাত্ৰীৰ তৰফৰ পৰা এখন কৈ ফুলাম গামোচা আৰু এটা কলমৰে মাদ্ৰাছাৰ সন্মানীয় শিক্ষক শিক্ষয়িত্ৰী সকলক সম্বৰ্ধনা জনায়। সভাখনত ফয়জাল হকে নিজৰ ভাষনত ডা: সৰ্বপল্লী ৰাধাকৃষ্ণণৰ জীৱনিৰ ওপৰত ভাষন প্ৰদান কৰে।