লাহৰীঘাটঃ সমগ্ৰ দেশতে আজি প্ৰয়াত প্ৰাক্তন উপ ৰাষ্ট্ৰপতি, ৰাষ্ট্ৰপতি, মেধা শিক্ষক তথা দাৰ্শনিক ডঃ সৰ্বপল্লী ৰাধা কৃষ্ণণৰ জন্ম দিনটো শিক্ষক দিৱস হিচাপে উদযাপন কৰা হয়। ৰাজ্যৰ আন আন ঠাইৰ লগতে লাহৰীঘাট অঞ্চলৰ সকলো শিক্ষানুষ্ঠানত ৫৮ সংখ্যক শিক্ষক দিৱস উদযাপন কৰা হয়।
কিছু ব্যতিক্ৰমী ৰূপত শিক্ষক দিৱস উদযাপন কৰা দেখা গ’ল অঞ্চলটোৰ লাহৰীঘাট আদৰ্শ মাৰ্কাজ একাডেমী, লাহৰীঘাট চেণ্ট্ৰেল স্কুল, ধূপগুৰি আদৰ্শ জাতীয় বিদ্যালয়, জাতীয় বিদ্যালয়, লাহৰীঘাট উচ্চতৰ মাধ্যমিক, আজান শংকৰ বিদ্যালয়, ব্ৰহ্মপুত্ৰ ভেলী তিনিচুকীয়া, জৰিবৰ আজান শংকৰ, ভকুৱামাৰী এম ই স্কুলত। লাহৰীঘাট আদৰ্শ মাৰ্কাজ একাডেমী আৰু লাহৰীঘাট চেণ্ট্ৰেল স্কুলত পুৱাই গছপুলি ৰোপণ, শুভযাত্ৰা, গজল, কেৰাত, কুইজ, শিক্ষক দিৱসৰ ওপৰত বক্তৃতা, চিত্ৰাংকন প্ৰতিযোগিতা আদি অনুষ্ঠিত কৰা হয়। ইপিনে লাহৰীঘাট চেণ্ট্ৰেল স্কুলত সন্ধিয়া সাংস্কৃতিক অনুষ্ঠানৰ আয়োজন কৰা হৈছে বুলিও জানিব পৰা গৈছে।
