পশ্চিম বৰপেটা ছোৱালী হাইস্কুল আৰু এম ই স্কুলত শিক্ষক দিৱস উদযাপন

জনীয়াঃ সমগ্র দেশৰ লগতে আজি বৰপেটা জিলাৰ অন্তৰ্গত মহম্মদপুৰস্থিত পশ্চিম বৰপেটা ছোৱালী হাইস্কুল আৰু এম ই স্কুলত শিক্ষক দিৱস উদযাপন কৰা হয়। তদুপৰি জনীয়া আঞ্চলিক ছিনিয়ৰ মাদ্ৰাছা, জনীয়া দাপোণ জাতীয় বিদ্যালয়, পশ্চিম বৰপেটা ছোৱালী হাইস্কুল আৰু এম ই স্কুল, অমৰদ্বীপ জাতীয় বিদ্যালয়কে ধৰি জনীয়া, কাদং, জাহোৰপাম এলেকাৰ বিভিন্ন শিক্ষানুষ্ঠানত উলহ মালহেৰে শিক্ষক দিৱস উদযাপন কৰা হয়।

তদুপলক্ষে শিক্ষানুষ্ঠান সমূহত শোভাযাত্ৰাৰ উপৰি, সভা অনুষ্ঠিত ছাত্ৰ-ছাত্ৰীসকলে  শিক্ষক-শিক্ষয়িত্ৰীসকলক গামোছা, কলম, ফুলৰ থোপাৰে সম্বৰ্ধনা জনায়। সভাত প্ৰয়াত ৰাষ্ট্ৰপতি ডঃ সৰ্বপল্লী ৰাধাকৃষ্ণণৰ জীৱনাদৰ্শৰ ওপৰত আলোকপাত কৰা হয়।