ঘৰে ঘৰে গৈ অৱসৰ প্ৰাপ্ত শিক্ষকৰ আশিস ল’লে জাজৰি শাখা সাহিত্য সভাই

বটদ্ৰৱাঃ আজি শিক্ষক দিৱসৰ দিনটোত অসম সাহিত্য সভাৰ শতদল শাখাৰ স্বীকৃত জাজৰি আঞ্চলিক শতদল শাখা সাহিত্য সভাই অঞ্চলটোৰ পাঁচ গৰাকী অৱসৰপ্ৰাপ্ত শিক্ষাগুৰুৰ ঘৰে ঘৰে গৈ অশিস গ্ৰহণ কৰাৰ লগতে সম্বৰ্ধনা জ্ঞাপন কৰে। শাখাটোৰ সভাপতি চফিকুল হক, উপসভাপতি ৰাহুল দেৱ বৰদলৈ, সম্পাদক মনোজ কুমাৰ মহন্তৰ নেতৃত্বত এটি সজাতি দলে অঞ্চলটোৰ অৱসৰপ্ৰাপ্ত প্ৰধান শিক্ষয়িত্রী ক্ৰমে ৰুণু মহন্ত, অৱসৰ প্ৰাপ্ত প্ৰধান শিক্ষক মহেন্দ্ৰ হাজৰিকা, জাজৰি উচ্চতৰ মাধ্যমিক বিদ্যালয়ৰ সদ্য বিদায়ী উপাধ্যক্ষ ৰেকিবুদ্দিন আহমেদ, অৱসৰ প্ৰাপ্ত শিক্ষক এছেম আলি আৰু অৱসৰপ্ৰাপ্ত প্ৰধান শিক্ষক আব্দুল হাছিমৰ ঘৰলৈ গৈ ফুলাম গামোছা, গ্ৰন্থ, কলম আৰু সন্মান পত্রৰে সম্বৰ্ধনা জনোৱাৰ লগতে আশিস গ্ৰহণ কৰে।