মঙলদৈত নিষিদ্ধ ড্ৰাগছ জব্দ, গ্ৰেপ্তাৰ স্বামীসহ এগৰাকী শিক্ষয়িত্ৰী

মঙলদৈঃ মঙলদৈত ড্ৰাগছ সহ আটক হ’ল এগৰাকী শিক্ষয়িত্ৰী আৰু তেওঁৰ স্বামী জীবেশ ডেকা। শিক্ষয়িত্ৰী গৰাকী বান্দীয়া এল পি স্কুলৰ কনমাই দেৱী ডেকা। ড্ৰাগছ ব্যৱসায়ৰ সৈতে জড়িত থকাৰ অভিযোগত আটক দুয়োকে। আৰক্ষীয়ে শিক্ষয়িত্ৰী গৰাকীৰ বাঘপৰিৰ নিজা গৃহৰ পৰা জব্দ কৰে চাৰিটা ড্ৰাগছৰ চিচি।

অৱশ্যে শিক্ষয়িত্ৰীৰ স্বামীয়ে বিক্ৰীৰ বাবে নহয় খোৱাৰ বাবেহে অনা বুলি প্ৰকাশ কৰে। দৰঙৰ খাৰুপেটীয়াত ড্ৰাগছ অতি সহজে পোৱা যায় বুলিও প্ৰকাশ কৰে স্বামী জীবেশ ডেকাই। মঙলদৈ থানাৰ 728/2019 U/S 22A নম্বৰত এক গোচৰ ৰুজু কৰিছে। ইতিমধ্যেই শিক্ষয়িত্ৰী কনমাই দেৱী ডেকাক জেল হাজোতলৈ প্ৰেৰণ কৰাৰ বিপৰীতে স্বামী জীবেশ ডেকাক এদিনৰ বাবে আৰক্ষীৰ জিম্মাত আনে।