ঢকুৱাখনাৰ মৌখোৱা ঘাটত মৃতদেহ উদ্ধাৰ

ঢকুৱাখনাঃ ঢকুৱাখনাৰ মৌখোৱা ঘাটত মৃতদেহ উদ্ধাৰক লৈ চাঞ্চল্যৰ সৃষ্টি হৈছে। জানিব পৰা মতে ঢকুৱাখনা থানা অন্তৰ্গত চেতিয়া গাঁৱৰ ব্যক্তিজনৰ নাম বিজয় চেতিয়া। বয়স ৬২ বছৰ। ৫ ছেপ্টেম্বৰ তাৰিখে সন্ধিয়া চাৰিকড়ীয়া নদীত সাতুৰি পাৰ হৈ নিজ গৃহলৈ আহিব খোজোঁতেই পকনীয়াত পৰি সন্ধানহীন হৈ আছিল।

দেওবাৰে পুৱা ৬ বজাত সোণাৰি চাপৰি সমীপৰ মৌখোৱা গাঁৱৰ চাৰিকড়ীয়া নদীত দুজনমান ব্যক্তিয়ে বিজয় চেতিয়াক প্ৰত্যক্ষ কৰে আৰু ৰাইজক কথাটো অৱগত কৰে। ঘটনাস্থলিত আৰক্ষী উপস্থিত হৈ মৃতদেহটো উদ্ধাৰ কৰি লখিমপুৰ অসামৰিক চিকিৎসালয়লৈ মৰোণোত্তৰ পৰীক্ষাৰ বাবে প্ৰেৰণ কৰে।