নাৰায়ণপুৰঃ বিগত বছৰৰ দৰে এইবাৰো নৱগঠিত মাধৱদেৱ বিশ্ববিদ্যালয়ৰ দেউৰী ছাত্র-ছাত্ৰীসকলে নৱাগত আদৰণি সভা অৰ্থাৎ "জিম'চায়া নিজিমা--জবা, মুগ পৰিয়া চ্চেংচা" সড়াখনি ব্যাপক প্ৰস্তুতিৰে সম্পন্ন কৰে। পূৰ্বৰ মাধৱদেৱ মহাবিদ্যালয়ত ২০১৩ চনতে গঠন কৰা অনুস্থানটো এইবাৰো নৱগঠিত নাৰায়ণপুৰ মাধৱদেৱ বিশ্ববিদ্যালয়ৰ প্ৰেক্ষাগৃহত বিশিষ্ট অতিথিসকলৰ উপস্থিতিত বিভিন্ন কাৰ্যসূচী অনুষ্ঠিত কৰে। পুৱাই অন্যান্য কাৰ্যসূচী সম্পন্ন হোৱাৰ পাছত দুপৰীয়া মাধৱদেৱ বিশ্ববিদ্যালয়ৰ অধ্যাপক প্ৰবীন কুমাৰ দেউৰীৰ সঞ্চালনাত এখনি সভাও অনুষ্ঠিত হয়। দেউৰী স্বায়ত্ব শাসিত পৰিষদৰ অধ্যক্ষ বিঞ্চু দেউৰীয়ে উদ্বোধনী ভাষণ দিয়া অনুষ্ঠানত মিচিং সাহিত্যসভাৰ প্ৰাক্তন উপসভাপতি তথা কৰ অধীক্ষক তুলেশ্বৰ পেগুয়ে নিৰ্দিষ্ট বক্তাৰ লগতে কেইবাগৰাকী বিশিষ্ট অতিথিয়ে ছাত্র-ছাত্ৰীসকলৰ উদ্দেশ্যে গুৰুত্বপূৰ্ণ মন্তব্য আগবঢ়াই। উক্ত অনুষ্ঠানতও মাধৱদেৱ বিশ্ববিদ্যালয়ত অধ্যয়ণ কৰা তথা নেচনেল পৰ্যায়ত পেনচাক চিলেটত সোণৰ পদক লাভ কৰা পম্পী দেউৰী লগতে কেইবাগৰাকী খ্যাতনামা খেলুৱৈসকলক অনুষ্ঠানটো সম্বৰ্ধনা জনাই ।
