ঝাৰখণ্ডত মাওবাদী আক্ৰমণত ছহীদ হ'ল অসমৰ জোৱান

ডিজিটেল ডেস্ক: ঝাৰখণ্ডৰ নক্সাল অধ্যুষিত গিৰিডীহত মাওবাদীৰ সৈতে হোৱা সংঘৰ্ষত অসমৰ এগৰাকী জোৱান ছহীদ হ’বলগীয়া হয়। গিৰিডীহ জিলাৰ বেলভা ঘাট অঞ্চলৰ ঘন জংঘলত চি আৰ পি এফৰ ৭নং বেটেলিয়নে অভিযান চলাই থকাৰ সময়ত সংঘটিত সংঘৰ্ষত বিশ্বজিৎ চৌহান নামৰ জোৱানজনে প্ৰাণ হেৰুৱায়।

চি আৰ পি এফ কৰ্তৃপক্ষই প্ৰকাশ কৰা তথ্য অনুসৰি, ছহীদ বিশ্বজিৎ চৌহানৰ ঘৰ অসমৰ ওদালগুৰি জিলাৰ কলাইগাঁও আৰক্ষী চকীৰ অন্তৰ্গত পুঠিমাৰী গাঁৱত। নিশা বিমানযোগে লৈ অনা হয় বিশ্বজিৎ চৌহানৰ মৃতদেহ। বৰঝাৰ বিমান বন্দৰৰ পৰা পোনে পোনে নিয়া হয় পশ্চিম গুৱাহাটীস্থিত ধাৰাপুৰত থকা ১৭৫ চি আৰ পি এফৰ শিবিৰত। তাতে শেষ শ্রদ্ধা জ্ঞাপন কৰা হয় ছহীদজনক।

আনহাতে, ১৭৫ চি আৰ পি এফৰ কামাণ্ডাৰ মহেশ কুমাৰৰ লগতে জোৱানসকলেও শেষ শ্ৰদ্ধা জ্ঞাপন কৰে ছহীদজনক।