বৰপেটা জিলাত ১৪৪ ধাৰা জাৰি

বৰবালাঃ সমাগত লোকসভা নিৰ্বাচন সুকলমে পাৰ হোৱালৈ লক্ষ্য ৰাখি বৰপেটা জিলাৰ জিলা দণ্ডাধীশ মুণীন্দ্ৰ শৰ্মাই সমগ্ৰ জিলাখনত ভাৰতীয় দণ্ডবিধি আইনৰ অধীনত ১৪৪ ধাৰা জাৰি কৰি কেতবোৰ নিষেধাজ্ঞা জাৰি কৰিছে ৷

এই সময়ছোৱাত কোনো ধৰণৰ অস্ত্ৰ-শস্ত্ৰ লৈ ফুৰা, সমাগম, শোভাযাত্ৰা, সাম্প্ৰদায়িক ভাষণ আদি দিয়া, উত্তেজক শ্লোগান আদি দিয়া নিষিদ্ধ কৰিছে৷ শুকুৰবাৰে জাৰি কৰা এই নিৰ্দেশ পৰবৰ্তী জাননী নিদিয়ালৈকে বলবৎ থাকিব৷