চকলেট দিয়াৰ প্ৰলোভনেৰে ৪ বছৰীয়া কণমানিক ধৰ্ষনৰ চেষ্টা ৫০ বছৰীয়া বৃদ্ধৰ

নগৰবেৰাঃ ধৰ্ষণ, যৌন নিৰ্যাতনৰ বিৰুদ্ধে চৰকাৰে কঠোৰ আইন বলবৎ কৰাৰ পিছতো নিত্য নতুন এনে জঘন্য অপৰাধৰ ঘটনা সংঘটিত হৈয়েই আছে। নগৰবেৰাৰ গাগলমাৰীত এটি ৪ বছৰীয়া কণমানিক চকলেট দিয়াৰ চলনাৰে ধৰ্ষণৰ চেষ্টা ৫০ বছৰীয়া বৃদ্ধৰ। নগৰবেৰা আৰক্ষীয়ে অভিযুক্তক গ্ৰেপ্তাৰ কৰি জেল হাজোতলৈ প্ৰেৰণ কৰে। নগৰবেৰাৰ গাগলমাৰীৰ সুভাষ নামৰ লম্পটটোৱে একে গাঁৱৰে এটি ৪ বছৰীয়া শিশুক চকলেট দিয়াৰ চলনাৰে ধৰ্ষণৰ অপচেষ্টা চলায়। ৬ ডিচেম্বৰত সংঘটিত এই জঘন্য ঘটনাৰ বিৰুদ্ধে শিশুটিৰ পিতৃয়ে নগৰবেৰা থানাত গোচৰ দিয়াত আৰক্ষীয়ে সুভাষ দাসক গ্ৰেপ্তাৰ কৰি জেল হাজোতলৈ প্ৰেৰণ কৰে। পৰিয়ালৰ লোকে কঠোৰ শাস্তি বিচাৰিছে সুভাষ দাসৰ।