কামৰূপ জিলা প্ৰশাসনে সম্পূৰ্ণ কৰি তুলিছে নিৰ্বাচনী প্ৰস্তুতি

উত্তৰ গুৱাহাটীঃ তৃতীয় পৰ্যায়ৰ নিৰ্বাচনৰ বাবে কামৰূপ নিৰ্বাচনী বিষয়াৰ কাৰ্যালয়ত তৎপৰতা বাঢ়িছে। তৃতীয় পৰ্যায়ৰ নিৰ্বাচনৰ বাবে কামৰূপৰ ৮৮৬ টা কেন্দ্ৰৰ ১৮ টা দূৰণিবটীয়া কেন্দ্ৰলৈ নিৰ্বাচনী কৰ্মীৰ দল প্ৰেৰণ কৰা হৈছে।

সোমবাৰে বাকী থকা ৮৬৮ টা দল প্ৰেৰণ কৰা হ’ব। দুৰ্গম অঞ্চলৰ ভোটগ্ৰহণ কেন্দ্ৰলৈ নিৰ্বাচনী টিম পঠিয়াবৰ বাবে ভটভটী আৰু গৰুগাড়ীৰ ব্যৱস্থা কৰিছে প্ৰশাসনে।

স্পৰ্শকাতৰ ভোট কেন্দ্ৰৰ তিনিতৰপীয়া নিৰাপত্তাৰ ব্যবস্থা কৰা হৈছে। ইতিমধ্যে বাছ অধিগ্ৰহণকে ধৰি চিকিৎসকৰ দল সাজু কৰি সকলো প্ৰস্তুতি সম্পন্ন কৰিছে কামৰূপ প্ৰশাসনে।