ভৱানীপুৰৰ মাজগাঁৱত পথ দুৰ্ঘটনাঃ নিহত ১

হাউলীঃ বজালী মহকুমাৰ ভৱানীপুৰ উপ-আৰক্ষী চকীৰ অন্তৰ্গত আনন্দপুৰ, মাজগাঁও গোহাঁই কমল আলিৰ সমীপত সন্ধিয়া প্ৰায় ৭ বজাত এক পথ দুৰ্ঘটনা সংঘটিত হয়।

জানিব পৰা মতে কালজাৰ অভিমুখৰ পৰা মাজগাঁও গুৱাগাছা পথেৰে গৈ থকা অৱস্থাত এএছ ২৮ এ ৭২৫০ নম্বৰৰ আপাচি বাইকখন নিয়ন্ত্ৰণ হেৰুৱাই দুৰ্ঘটনাত পতিত হয় ফলত এজন ব্যক্তি থিতাতে নিহত হয়।

উক্ত দুৰ্ঘটনাত আন দুজন ব্যক্তি গুৰুতৰভাৱে আহত হয়। বৰ্তমানলৈকে নিহত আৰু আহত ব্যক্তিৰ পৰিচয় জানিব পৰা হোৱা নাই।