বঙাইগাঁৱত যাত্ৰী পৰিবহনত খামখেয়ালি বিভাগীয় কৰ্তৃপক্ষৰ: পাছ আছে বাহন নাই

বঙাইগাঁও: যোৱা ২৫ এপ্ৰিলৰ অসম চৰকাৰে আন্তঃজিলা বাছ চলাচল সেৱা আৰম্ভ কৰিছিল৷ লকডাউনত আৱদ্ধ সকলৰ বাবে ই পাছৰ সহায়ত এই সেৱাৰ কাম আৰম্ভ কৰিছিল যদিও একাংশ মোবাইল নথকা যাত্ৰী তীব্ৰ অসুবিধাৰ সন্মুখীন হোৱাৰ বিপৰীতে একাংশ যাত্ৰীৰ ই পাছ থকাৰ পিছতো গন্তব্য স্থানৰ বাছ নথকাত হাহাকাৰৰ সৃষ্টি হৈছে৷

এনে অৱস্থাত চৰকাৰ তথা প্ৰশাসনৰ এই আন্তঃজিলা বাছ সেৱা কাৰ্যত অন্তঃসাৰশূন্য হৈ পৰিছে৷ উল্লেখ্য যে সদৰ চহৰখনৰ গান্ধীময়দানৰ পৰা এই বাছসেৱা আৰম্ভ হয় যদিও অধিক সংখ্যক যাত্ৰী এই সেৱাৰ পৰা বঞ্চিত হৈছে বুলি অভিযোগ উঠিছে ৷