নাজিৰাত গৰু চুৰি চক্ৰৰ আক্ৰমণত গুৰুতৰ ভাৱে আহত এজন ব্যক্তি

নাজিৰাঃ ক্ৰমাৎ বাঢ়িব ধৰিছে গৰু চুৰিৰ ঘটনা। শিৱসাগৰ জিলাৰ নাজিৰাত গৰু চুৰি চক্ৰৰ আক্ৰমণত আহত হয় এজন ব্যক্তি৷ নাজিৰা সমীপৰ চেপন-চূণপোৰা পথত এই অঘটন৷

নিশা দৰিকা দলঙৰ সমীপত সংঘটিত হয় এই চাঞ্চল্যকৰ ঘটনা৷ ঘটনাত ললিত ফুকন নামৰ এজন ব্যক্তি গুৰুতৰ ভাৱে আহত হয়৷ গৰু চুৰি চক্ৰৰ পিছ লোৱাত ফুকনৰ গাড়ীত আক্ৰমণ কৰে চুৰ কেইটাই৷

এটুকুৰা ইটাৰে আক্ৰমণ কৰা ফলত দুৰ্ঘটনাত পতিত হয় গাড়ীখন৷ তাৰপিছতে চোকা অস্ত্ৰৰে আক্ৰমণ কৰে ললিত ফুকনক। সংকটজনক অৱস্থাত এতিয়া চিকিৎসাধীন হৈ আছে ললিত ফুকন। ঘটনা সম্পৰ্কত বৰ্তমান তদন্ত অব্যাহত আছে শিৱসাগৰ আৰক্ষীৰ।