যোগীঘোপাত দিন দুপৰতে চোৰে লুটি নিলে সোণৰ গহনা

যোগীঘোপাঃ বঙাইগাঁও জিলাৰ যোগীঘোপা আৰক্ষী থানাৰ অন্তৰ্গত চলন্তাপাৰাৰ বিজেপি নেতা দীপাংকৰ কলিতাৰ ঘৰত চোৰে চলালে অভিযান। আজি দিন দুপৰতে চোৰে চুৰি ঘটনা সংঘটিত হোৱা কাৰ্যই তীব্ৰ চাঞ্চল্যৰ সৃষ্টি কৰিছে৷ বিজেপিৰ নেতা দীপাংকৰ কলিতা আৰু তেওঁৰ পত্নী ঘৰত নথকাৰ সুযোগ লৈ ঘৰৰ পিছফালে দেৱাল পাৰ হৈ চোৰে ঘৰত প্ৰৱেশ কৰি লুট পাত কৰি নিয়ে৷

প্ৰায় ৩-৪ লক্ষাধিক টকাৰ সোণৰ গহনা চোৰে লুট কৰে। এফালে দীপাংকৰৰ মাতৃ উক্ত গাঁওখনৰ আন এঘৰত নাম-প্ৰসংগ কৰি উভতি আহি ঘৰৰ সামগ্ৰীবোৰ চেদেলি-ভেদেলি হৈ থকা দেখি হুলস্থুল কৰাত প্ৰতিবেশী লোক গোট খোৱাত দিন-দুপৰতে চুৰি কাৰ্য সংঘটিত হোৱাৰ বিষয়টো পোহৰলৈ আহে৷ পিছত ঘটনাস্থলীত যোগীঘোপা আৰক্ষী উপস্থিত হৈ তদন্ত আৰম্ভ কৰে৷