দেৰগাঁৱত ৯৭ বছৰীয়া বৃদ্ধ নিৰুদ্দেশ

গোলাঘাটঃ দেৰগাঁও থানাৰ অন্তৰ্গত দেৰগাঁও ৩নং গেট অঞ্চলৰ ক্ষুদ্ৰ ব্যৱসায়ী ৯৭ বছৰীয়া টুপিৰাম বৰাৰ নিৰুদ্দেশৰ ঘটনাই সমগ্ৰ অঞ্চলতে চেপা উত্তেজনা বিৰাজ কৰিছে৷ আজি দুমাহৰ পৰা নিৰুদ্দেশ হৈ আছে বুলি পৰিয়ালৰ লোকে জানিবলৈ দিয়ে। তেখেতৰ পুত্ৰ-বোৱাৰী তথা আত্মীয় হতাশাত ভাঙি পৰিছে। কোনো সদাশয় ব্যক্তিয়ে নিৰুদ্দেশ হৈ থকা টুপিৰাম বৰাক দেখা পায় তেন্তে পৰিয়াল বৰ্গক 97064 71935 নাম্বাৰত যোগাযোগ কৰিবলৈ আহ্বান জনাইছে।