চুলাই মদৰ ব্যৱসায় ত্যাগ কৰা সকলক আত্ম সংস্থাপনৰ দিয়াৰ ব্যৱস্থা গ্ৰহণ কৰিব যোৰহাট জিলা প্ৰশাসনে

যোৰহাটঃ যোৰহাটৰ জিলা উপায়ুক্ত অশোক কুমাৰ বৰ্মন আৰু আৰক্ষী অধীক্ষক অংকুৰ জৈনে সংবাদ মাধ্যমৰ যোৰহাটৰ ক’ভিড পৰিস্থিতিৰ সম্পৰ্কে অৱগত কৰিবলৈ গৈ কয় যে যোৰহাটত নিম্নগামী হৈছে ক’ভিডৰ সংক্ৰমণ| আজি ১১১ জনৰ ক’ভিড পজিটিভ পোৱা গৈছে।

আজিয়েই সকলোতকৈ কম| ৰাইজৰ সুবিধাৰ্থে ৩ বজালৈ যদিও গেলা মালৰ দোকান সমূহ খুলি দিবলৈ দিয়া হৈছে কিন্ত যদি কোনো দোকানে ক’ভিড নিয়ম ভংগ কৰে সেই দোকান বন্ধ কৰি দিয়াৰ উপৰিও আইনগত ব্যৱস্থা গ্ৰহণ কৰিব| বৰ্তমান জিলাখনত বহু চুলাই মদৰ ঘাটি উচ্ছেদ কৰা হৈছে আৰু উচ্ছেদ অভিযান অব্যাহত থাকিব| যোৰহাট জিলা প্ৰশাসনে চুলাই ঘাটি ত্যাগ কৰা সকলক কৃষিৰ লগতে আনুসংগিক ক্ষেত্ৰত আত্মসংস্থাপন দিয়াৰো ব্যৱস্থা কৰিব|