লখিমপুৰঃ লখিমপুৰত মাধ্যমিক অতিৰিক্ত (ঠিকাভিত্তিক) শিক্ষক সন্থাই আজি প্ৰতিবাদ সাব্যস্ত কৰে। ২০১০ চনত অসমৰ উচ্চ আৰু উচ্চতৰ মাধ্যমিক বিদ্যালয়ত চৰকাৰী বিজ্ঞপ্তি PMA(s)32/2010/20 অনুসৰি লখিমপুৰ জিলাত নিযুক্তি আৰু বৰ্তমান কৰ্মৰত ৩৪৬ গৰাকী আৰু অসমৰ সৰ্বমুঠ (১) ৫৯২৪ গৰাকী হাইস্কুল ঠিকাভিত্তিক শিক্ষকৰ চাকৰি অসম চৰকাৰে ২০১৬ চনৰ কেবিনেট সিদ্ধান্ত অনুসৰি বিনাচৰ্তে নিয়মীয়াকৰণৰ দাবীত, (২) ৩-৩-২০১৬ চনৰ কাৰ্যালয় স্মাৰক কাৰ্যকৰী কৰণৰ দাবীত আৰু গুৱাহাটী উচ্চ ন্যায়ালয়ত WA360/2014 পুনৰীক্ষণ আবেদন 14/2017 আৰু WA23/2017 ন্যায়ালয়ৰ পৰা উঠাই লোৱাৰ দাবীত লখিমপুৰ জিলা মাধ্যমিক অতিৰিক্ত (ঠিকাভিত্তিক) শিক্ষক সন্থাই দিনৰ ১১ বজাৰ পৰা বিয়লি ২ বজালৈ অৱস্থান ধৰ্মঘট কাৰ্যসূচী পালন কৰে লখিমপুৰ নগৰৰ ত্যাগ ক্ষেত্ৰত।
এই ধৰ্মঘট স্থলীৰ পৰা শিক্ষক সন্থাই কয় যে ৫ ছেপ্টেম্বৰৰ শিক্ষক দিৱস বৰ্জন কৰি ব্যাপক প্ৰতিবাদী কাৰ্য্যসূচী গ্ৰহণ কৰিব। লগতে জিলা উপায়ুক্তৰ জৰিয়তে অসম চৰকাৰৰ মুখ্যমন্ত্ৰীলৈ এক স্মাৰক পত্ৰ প্ৰেৰণ কৰে।